給剛開始玩的朋友(希望幫到各位，但其實我都係新手...)

幻星龍

大家好~我係好耐無玩過神領，見佢難得再生，咁岩我又搵緊game玩~所以就回歸Asgard喇~

其實初初開始玩會發覺...呢隻game無導航系統既? NPC係邊呀? 完全唔知咩事。
我開頭自己一個玩CB(因為咁岩我班朋友都抽唔到CB序號...得我拎到)我就自己黎盲中中去摸索下喇

係呢度...我有幾樣建議比各位初玩既朋友，希望幫到你地：
1.官方好好人(?)咁送左50點比我地玩商城, 各位新手開頭記住去商城買1萬血水同1萬耐水/魔水黎飲黎打怪,果支水係累計咁飲夠1萬點先完,唔係一飲就成支無左,所以可以放心飲

2.記住用3點數去買30個全頻擴音器,CB階段係網上面乜野攻略資料都搵唔到,最好既方法就係開全頻係game入面問人。記住一件事：呢個CB話雖係香港既Asgard既CB黎,但係玩既人當中有台灣既朋友、有內地既朋友兼且海外既朋友，麻煩各位盡量用書面語係全頻講野，就算用口語都盡量用得簡淺易明，自然多人睇得明可以覆你、幫你，玩線上遊戲禮貌係好重要既。

3.打怪揀高自己3~4級既怪黎打,有1萬血水絕對係打得贏,打高lv既怪容易升lv好多。記住：Asgard用近戰打怪,方位好緊要,打背面有2倍攻擊力,所以起手打怪最好就用技能打隻怪背面做起手,咁樣打怪既效率就會高好多。魔法就無呢個系統(照官方講係)，正面背面隨便打啦~

4.正如官方所講,藥水係有CD時間既,用萬血水果d藥果陣記住,比怪圍既話就黎無血先飲,如果唔係既話你好多血果陣飲左次,到左又無血果陣想飲又飲唔到比怪打死就唔好啦...CD時間無寫明同無幫你計出黎比你睇, 但照估計應該係12秒左右。

5.每到左一定級數,就可以去一個支援新手既npc度拎獎品,絕對幫到你打怪,有拎到藥水可以考慮拎去賣賺錢買裝備都ok, 我淨係知有一個係路易斯既近右下方位置,詳細可以入game搵人問,CB有大量熱心玩家幫助新手,只要你有禮貌,放心問,一定有人答你。(拎獎品記住身上留空位...我岩岩就係唔好彩唔記得左留空位搞到有件裝備比系統食左...)

6.盡量照職業偏向配點...戰士點全STR...武道家全CON...盜賊全DEX等等...暫時為止呢個都係最保險有效既能力點法...進階玩家有待日後其他資深玩家發掘,為保險計咁樣點法最實際。

希望幫到各位岩岩開始玩,覺得好迷惘既各位~最後，祝各位玩得開心~
有錯歡迎當面提出，謝謝各位。